ICT Lesson (1)

 

INFORMATION AND COMMUNICATION TECHNOLOGY (ICT)

GABATARWA

Idan zamuyi bayani akan ICT a zahirin gaskiya bata da tsayayye ko kuma cikakkiyar bayani duba da yadda sabbin abubuwa ke fitowa a ayyukan mu na yau da kullum.

MISALI: Idan zamu misalta wannan bayanin namu na ICT a bangaren Construction, zamu iya cewa tankin ruwa shine INFORMATION tunda shine ma’ajin ruwa, sannan Pipes da suke kai ruwa wurare daban-daban shine COMMUNICATION, Basiran qirqiran wannan Tanki da Pipes shine TECHNOLOGY.

ICT kalma ce da ke rufe dukkan fasahohi da ayyukan da ke cikin sarrafa na’ura mai kwakwalwa (kwamfuta), sarrafa bayanai, samar da sadarwa, da ita kanta intanet. Waɗannan fasahohin duk suna hulɗa da watsawa da karɓar bayanai.

ICT ta mamaye dukkan fannoni na rayuwa, tana ba da sababbi, mafi kyau, da zaqulo hanyoyi don mutane su yi mu'amala, neman taimako, da koyo cikin sauqi.

 ICT Ya juyar da akalar Duniya, watau ya haɗa kawunan mutane daga kowane lungu da sako.

 Ilimi ya kara yaduwa ta ko’ina.

 Bangarorin kiwon lafiya sun yi kyau kuma sun canza idan aka kwatanta da lokacin baya.

 Kamar yadda yake a cikin mahallin ICT ba kamar yadda yake a baya ba, yanzu ta hanyar sadarwa Ana samun ceton rayuka daga ko'ina cikin duniya.

 Tsarin sufuri ya inganta fiye da da (zai ɗauki kwanaki/makonni ko watanni don tafiya daga wannan jiha zuwa wata, amma ICT ta ƙara inganta shi yanzu zuwa awanni ko mintuna ka kai inda zaka)

MENENE ICT?

Fasahar Sadarwa da Fasahar Bayanai wato (Information and communication Technology ICT) wata fasaha ce wacce tazo da salo daban-daban na kayan aikin fasahar zamani wanda ake amfani da su wajen sadarwa, ƙirƙira, watsawa, adanawa, da sarrafa bayanai cikin sauqi.

ICT ya kawo sauqi sosai a bangarori daban-daban dan more rayuwa irin su:

1) Asibitoci

2) Bankuna

3) Masana’anta

4) Masallatai

5) Sifuri (Karafunan hawa)

6) Makarantu

7) Mu’amalar mu na yau da kullum

Zanso in danyi bayani kadan akan sauqi ko kuma cigaban da ICT ta kawo akan wuraren dana lissafo a baya.

ASSIBITO I

A zamanin baya, idan mutum baya da lafiya babu damar sanin abin da ke damun mutum sai dai atajika ma mutum madaci, dalbejiya, da sauran magungunan gargajiya, amma Shigowar ICT sai aka inganta wannan yanayi da muka tsinci kanmu a ciki, har yakai ga idan baka da lafiya sai a daura maka wani na’ura (Sphygmomanometer) don auna jinin ka ko ya hau, har aka fahimci akwai wani adadin lambobin da ba’ason Jininka ya haura.

Misali:

Age        SBP        DBP

21-25.    120.5      78.5

26-30     119.5      76.5

31-35     114.5      75.5

36-40     120.5      75.5

Wannan lambobin ku ɗaukeshi a matsayin misali.

Haka kuma ana anfani da (Stethoscope) wajen sauraren sautin bugun zuciya ko hantar mutum. Duk wannan da taimakon ICT, idan kuwa mutum ya karye a duk wani sashi na jikin sa akwai wani na’ura wanda ake kira da X-RAY, wannan na’uran zai nuna inda karaya ko rauni yake ba tare da anyi wani hasashe ba.

BANKUNA

A waccan zamanin binne kudaden akeyi cikin rabi ko kuma a sarrafa asusun kasa ayi ta saka kudade a ciki, ICT sai tazo da wani salo na ajiyan kudi wajen anfani da lambobi wato ELECTRONIC MONEY/DIGITAL MONEY, a cikin bankin ma idan zaka saka kudi sai wani ma’aikaci ya cika maka TELLER da kanshi, amma sannu a hankali sai ICT ya kara kawo wani salo na yin transfer daga account zuwa wani account, ba tare da anga kudi na yawo ba.

Har’ilayau wasu bankuna idan baka da ATM card zaka iya cire kudin ka ba tare da ka cika WITHDRAWAL SLIP ba, ill aka saka aza yatsarka wato (Thumb Print), haka kuma wajen qirga kudi sai aka qirqiri mashin me qirga kudi cikin kankanin lokaci zata qirga dubban kudade cikin sauqi.

MASANA’ANTU

A wajen masa’atu kuwa ICT na taka rawar gani sosai duba da yanda zamanin baya idan zaka sayi kaya sai ka tambayi farashin kudin kayan, amma yanzu sanadiyyar ICT komai na cikin kwamfuta an riga an tsara farashin sa illa iyaka idan ka sayi duk abin da kake bukatan saya sai kaje wajen me amsan kudi wato (Cashier) nan take zaiyi anfani da wani na’uran qididdiga wato (Scanning Barcode) zaita recording duk kayan da aka nuna na’urar, maimakon a baya sai an rubuta maka receipt.

MASALLATAI

Sanin kowa ne cewa a masallatan mu idan za’a kira sallah sai LADAN ka fito kan dakali ya rinqa rusa iho yana kiran sallah, a hakan ma muryarsa baya kaiwa ko’ina, amma sanadiyyar ICT aka qirqiri Microphone da Loud Speaker wanda kana kilometer biyu ko uku zakaji sautin kiran sallah ko kuma wata sanarwa.

SIFURI (KARAFUNAN HAWA)

A fannin ababen hawa kuwa ICT ta taimaka wajen gane adadin kudun abin hawa (Speedometer), adadin MAI dake cikin tankin abin hawa (Fuel gauge meter), da sauran su, haka sanadiyyar ICT aka qirqiri jirgin sama, zakayi mamakin yadda babu igiya fankoki kawai ke juyawa amma sai jirgi ya tashi sama yayi tafiyar kilometer barkatai ba tare da fuskantar wani kalubale ba.

MAKARANTU

ICT ya taka rawar gani a makarantu musamman fannin koyo da koyarwa, a zamanin baya idan za’ayi lissafi ko qirge sai a riqa anfani da duwatsu koku kara da sauransu amma yanzu aka qirqiri calculator don sauqaqa wa dalibi da malaman lissafi cikin kankanin lokaci zai lissafa ababe masu yawa.

Haka kuma ana anfani da wani na’ura mai nuna hoto idan za’ayi wani karatu wato (Projector) wanda abaya babu wadannan na’urori